Болашақ Отан қорғаушыларға тіркеу куәліктері табысталды. Ел Конституциясының 36-бабына сәйкес "Қазақстан Республикасын қорғау-оның әрбір азаматының қасиетті парызы және міндеті". Әрине, армиядағы қызмет-бұл ер адамның әскери борышы, оның мінезінің қалыптасуы, ерік-жігердің, төзімділік пен батылдықтың көрінісі. Бүгін, яғни 2023 жылғы 16 ақпанда аудандық мәдениет үйінде оқушыларға тіркеу куәліктерін салтанатты түрде тапсыру рәсімі өтті. 2006 жылы туған мектебіміздің 7 жас жігіті әскери есепке қойылды. Тіркеу куәлігі әскерге шақырылушының құжаты, оның әскери есепте тұрғанының дәлелі болып табылады. Естеріңізге сала кетейік, әскерге шақырылғанға дейінгі жастарды әскери есепке алу, олардың санын, болашақ Отан қорғаушылардың әскери қызметке жарамдылық дәрежесін анықтау үшін тіркеу ұйымдастырылады және жүргізіледі.