Мектебімізде ұлттық спорт түрлерін дамытуға барлық жағдай жасалған, бұл жұмыстың бір жарқын мысалы ретінде дене шынықтыру пәнінің мұғалімі Жангелді Р.А. жетекшілігімен балалар шеберліктерін шыңдап жатыр.
Асық ату – жай ойын емес, ғасырлар қойнауынан нәр алған тұтас өнер. Ол ептілік пен ұқыптылықты ғана емес, сонымен қатар стратегиялық ойлауды дамытады, дәстүрді құрметтеуге үйретеді және ұжымшылдық сезімін тәрбиелейді.
Жангелді Р.А. білімі мен біліктерін балаларға беріп қана қоймай, олардың бойында осы спорт түріне деген сүйіспеншілікті оятып, олардың мүмкіндіктерін ашуға көмектеседі.
Асық ату секциясының жұмысы дені сау ұрпақты қалыптастыруға, ұлттық салт-дәстүрді сақтауға және насихаттауға бағытталған оқу-тәрбие процесінің маңызды бөлігі болып табылады.
