Бүгін, 15 желтоқсан күні, Тайынша қаласындағы «№4 орта мектеп» КММ-де Қазақстан Республикасының Тәуелсіздік күніне арналған тақырыптық сынып сағаттары барлық сыныптарда өткізілді.
— 1–4 сыныптарда «Менің Отаным – Қазақстан» тақырыбында сынып сағаттары өтіп, оқушылар Отан, мемлекеттік рәміздер және Тәуелсіздіктің мәні туралы жас ерекшеліктеріне сай түрде әңгімелесті.
— 5–8 сыныптарда «Қазақстан – бейбітшілік пен келісім елі» тақырыбында сынып сағаттары ұйымдастырылып, оқушылар еліміздің қалыптасу жолы, бейбітшілік пен келісім құндылықтары жайында пікір алмасты.
— 9–11 сыныптарда «Тәуелсіздік – ел тұғыры» тақырыбында сынып сағаттары өткізіліп, оның мазмұны тарихи таңдау маңыздылығын ұғындыруға және Қазақстанның болашағындағы жастардың рөлін түсінуге бағытталды.
Аталған іс-шаралардың мақсаты — өскелең ұрпақтың бойында патриоттық сезімді қалыптастыру, өз елінің тарихы мен мәдениетіне құрметпен қарау, сондай-ақ Тәуелсіздікті мемлекеттің басты құндылығы ретінде саналы түрде ұғындыру.